Нууцлалын бодлого

1. Бидний цуглуулдаг мэдээлэл

• Данс: утасны дугаар, нэр, имэйл (оруулсан бол). Google-ээр нэвтэрвэл Google дансны таних дугаар, имэйл, нэр.
• Нэвтрэлт: SMS кодыг шифрлэсэн (hash) хэлбэрээр богино хугацаанд хадгална. Нэвтрэлтийн session, IP хаяг, хөтөчийн төрлийг аюулгүй байдлын зорилгоор бүртгэнэ.
• Захиалга, төлбөр: захиалсан үйлчилгээ, дүн, огноо, QPay-ийн нэхэмжлэх ба гүйлгээний дугаар. Банкны карт, дансны мэдээллийг бид авдаггүй.
• SMS: илгээсэн утасны дугаар, зорилго (нэвтрэх код, сануулга), огноо.
• Таны агуулга: VPS, хадгалалт, вэбсайтад байршуулсан файл, өгөгдөл. Бид эдгээрийг зөвхөн таны өмнөөс хадгална.

2. Ашиглах зорилго

• Данс үүсгэх, таныг таних, нэвтрүүлэх;
• захиалга, төлбөрийг гүйцэтгэх, үйлчилгээг нээх, сунгах;
• хугацаа дуусах сануулга, үйлчилгээний мэдэгдэл илгээх;
• залилан, халдлагаас хамгаалах, алдаа засах;
• хуулиар ногдсон нягтлан бодох бүртгэл, татварын үүргээ биелүүлэх.

Бид таны мэдээллийг зар сурталчилгаанд ашиглахгүй, худалдахгүй.

3. Гуравдагч этгээд

Үйлчилгээ үзүүлэхэд шаардлагатай хэмжээгээр л дараах түншүүдтэй мэдээлэл солилцоно:

• Cloudflare: сүлжээ, DNS, DDoS хамгаалалт. Хандалт бүр Cloudflare-ийн сүлжээгээр дамжина.
• QPay ба банкууд: төлбөрийн нэхэмжлэх, гүйлгээ.
• Skytel: SMS илгээх (утасны дугаар, мессеж).
• Google: зөвхөн та Google-ээр нэвтрэхийг сонговол. exacloud.mn сайт үсгийн фонтыг Google Fonts-оос ачаалдаг.

Хуулиар эрх бүхий байгууллага хуулийн дагуу шаардсан тохиолдолд мэдээлэл гаргаж өгч болно.

4. Хадгалах байршил ба хамгаалалт

• Таны өгөгдөл Монголд байрлах манай сервер дээр хадгалагдана.
• Холболт бүр шифрлэгдсэн (HTTPS). Харилцагч бүрийн сервер, данс тусгаарлагдсан.
• Нууц үг, SMS кодыг шифрлэсэн хэлбэрээр хадгална.
• Ажилтан таны агуулгад зөвхөн тусламж үзүүлэх, системийн хэвийн ажиллагааг хангах, эсвэл хуулиар шаардсан үед хандана.

5. Хадгалах хугацаа

• Дансны мэдээлэл: данс идэвхтэй байх хугацаанд.
• Таны агуулга (VPS, файл, вэбсайт): үйлчилгээний хугацаа дууссанаас хойш 17 хоногийн дараа устгана.
• Нөөц хуулбар: 7 хоног хүртэл хадгалагдаад автоматаар солигдоно.
• Төлбөрийн бүртгэл: нягтлан бодох бүртгэл, татварын хуульд заасан хугацаанд.
• SMS код: хэдэн минут. Нэвтрэлтийн session: гарах хүртэл эсвэл хугацаа нь дуусах хүртэл.

6. Cookie ба хөтчийн санах ой

• exa_cloud_sid: самбарт нэвтэрсэн байдлыг хадгалах зайлшгүй cookie.
• exa_cloud_oauth: Google-ээр нэвтрэх үед хэдэн минут хадгалагдах хамгаалалтын cookie.
• exa-theme: сайтын гэрэл, бараан горимын сонголт. Зөвхөн таны хөтөч дээр хадгалагдана.
• Самбар сонгосон захиалгын тохиргоог хөтчийн түр (session) санах ойд хадгалж, цонхоо хаахад устгана.

Бид зар сурталчилгааны болон хэрэглэгч мөшгөх cookie, аналитик ашигладаггүй.

7. Таны эрх

• Өөрийн мэдээлэлтэй танилцах, хуулбар авах;
• буруу мэдээллээ засуулах;
• дансаа хааж, мэдээллээ устгуулах (хуулиар хадгалах шаардлагатай төлбөрийн бүртгэлээс бусад);
• Google холболт зэрэг өгсөн зөвшөөрлөө цуцлах.

Хүсэлтээ [email protected] хаягаар илгээнэ үү. Бид 10 ажлын өдөрт багтаан хариу өгнө.

8. Бодлого өөрчлөгдөх

Бодлогыг шинэчилбэл энэ хуудсанд огноог нь өөрчилнө. Чухал өөрчлөлтийг сайт, самбар эсвэл SMS-ээр мэдэгдэнэ.

9. Холбоо барих

Эха Клауд ХХК · Монгол улс, Улаанбаатар хот, Хан-Уул дүүрэг, Ханхиллс 533-101 · [email protected]